تهاجر وتسيب غزة !!

آخر تحديث : الثلاثاء 11 سبتمبر 2018 - 2:57 مساءً
تهاجر وتسيب غزة !!

خاص صدى الاعلام

زاوية سوشيالCOM: نهتم بمناقشة ما تثيره مواقع التواصل الاجتماعي (Social media) الفلسطينية من مواضيع مختلفة (سياسية،اجتماعية،اقتصادية،…) . بهدف؛ توضيح الصورة اكثر ولكي تكونوا شركاء في اعلام هادف يشخص ولا يجرح

نشر الاعلامي فؤاد جرادة من غزة على حسابه الشخصي منشورا بعنوان  “تهاجر وتسيب غزة !!” قال فيه: 

لمين تسيب شوارعها المظلمة ؟ لمين تسيب ابو هلال وبخاخاته، وزنادة وبودي جرداته، كيف تهاجر وتترك كابيتل مول وكيرفور الي عدد المتسولين على بابهم اكتر من زباينهم، تهاجر وتسيب غزة الي صنعت منك رجل مفلس ؟؟ تسيب غزة وترامالها وحشيشها ؟! كيف يجيك قلب تسافر منها والمشوخي راجعلها؟ يا رجل هاي غزة الي فيها تاكسيات كريم معقول تهجرها ؟! غزة ام #نص راتب حرام تبعد عنها، غزة الي كيلو البندورة فيها يساوي حق كيلو التفاح !! غزة البقعة الوحيدة الي ” محررة” من الوطن تهاجر منها ؟ كيف حتعيش برة من غير ما تتصبح بعكاكيز المصابين ؟ كيف تترك البلد الوحيدة الي فيها مسلخ “مستشفى” الشفا؟ غزة الي عدد تنظيمتها قد عدد شهداءها معقول تفكر تهاجر منها؟ غزة الي فيها واحد كزاب زيي وكتب البوست هذا، اوعى تفكر للحظة انك تكمل فيها حياتك .عذرا نهر النيل فمن شرب من مجاري غزة #لن يعود لها .#فؤاد_جرادة

علق ابو العبد من غزة:

وانسيت 8علب فول ب 10شيكل وكيلو الدجاج 8شيكل كل هذا كوم واني ما اشوفك ياجار كوم تاني

بدوره قال ايمن اسماعيل من غزة:

بصراحة بعد هالبوست لازم اعيد حساباتي ..خلص مش مهاجر

اضافت ام محمد جرادة بدورها تعليقا قالت فيه :

والله صدقت لازم نموت من القهر فيها او نموت من الظلم لمن نتركها بنخاف ما يلاقوا حدا يظلموه

اما مجدولين علي من غزة فعلقت :

هاجر ودلني عالطريق

بدوره علق عبد اللطيف الشرافي من غزة :

انت الصادق وكل من قال غير هيك كذااااب

رابط مختصر
2018-09-11
002