كيف بررت شيرين عبدالوهاب غيابها عن مواقع التواصل الاجتماعي؟‎

24 أغسطس 2020آخر تحديث :
كيف بررت شيرين عبدالوهاب غيابها عن مواقع التواصل الاجتماعي؟‎

كشفت الفنانة المصرية شيرين عبدالوهاب سبب غيابها، خلال الفترة الحالية، مؤكدة لمتابعيها أن ابتعادها عن الأضواء هو القرار الأكثر راحة لها، وأنها ستعود في أقرب وقت فور الانتهاء من التحضير لأغاني ألبومها الجديد.

وطمأنت شيرين عبدالوهاب متابعيها برسالة عبر حسابها بموقع ”تويتر“، قالت فيها: ”بفرح جدا لما بشوفكم فاكريني طول الوقت وبتسألوا عليا، وعشان أنا مقدرة إن ده بدافع الحب عايزة أطمنكم إن أنا مرتاحة كدة أكتر وكمان علشان بحضر للألبوم الجديد وإن شاء الله أرجعلكم في أقرب وقت ممكن“.

وكانت شيرين عبدالوهاب قد فاجأت متابعيها، في أكتوبر من العام الماضي، وقررت أن تعتزل السوشال ميديا تماما، بعد الهجوم الذي تعرضت له من قبل بعض متابعيها الذين وجهوا لها الاتهام بعدم انتمائها الوطني لمصر؛ وذلك بسبب إعلانها استعدادها لإقامة حفل غنائي يذهب ريعه بالكامل لمتضرري سلسلة الحرائق المتفرقة التي اشتعلت في غابات لبنان، في ذلك الحين.

وقالت الفنانة المصرية عبر ”إنستغرام“: ”أنا عارفة ومتأكدة إن الأغلبية متصالحين مع نفسهم ومحترمين، وأنا لو كنت ببص للناس اللي كارهة نفسها وكارهة نجاح الآخرين ومش عاجبها حاجة.. مكنتش اتقدمت في حياتي ولا أنجزت في حاجة“.

وأضافت شيرين: ”النهاردة أنا نزلت بوست للبنان عشان حبيت أساعد بأي حاجة أقدر عليها، واللي أقدر عليه هو صوتي.. أنا مش طبيبة ولا مهندسة وده اللي ممكن أساهم بيه عشان حتى لو ساهمت بفلوس مهما كانت هتكون قليلة“.

وتابعت عبدالوهاب: ”قررت أكون إيجابية وأعمل حاجة أساعد بيها، ولما شفت التعليقات على منشوري الأخير، اكتشفت أن الإنسان مهما عمل مش هيعجب الناس، ده غير إنهم مرة يحملوني ويسقطوني، ومرة يجوزوني، ومرة يطلعوني معنديش انتماء لبلدي“.

واختتمت شيرين: ”بما إني أنا شخص مش مغلوب على أمره، قررت أقفل كل حاجة ليها علاقة بالسوشال ميديا.. عشان مأذيش نفسي ولا المتابعين المحترمين اللي هتقرأ التعليقات.. أرجو من محبيني ما يزعلوش مني عشان ديه حاجة هتريحني وهتفرحني“.

الاخبار العاجلة